Eminem i ka befasuar fansat duke e publikuar albumin e tij të 11-të.
“Music to be Murdered by” është titulli i materialeve të reja muzikore që u lansuan më 17 janar nga Aftermath Entertainment, Interscope Records dhe Shady Records.
“Është funerali yt…”, shkroi reperi në njoftimin e tij, ndërsa kopertina e albumit është e modeluar sipas një albumi të Alfred Hitchcockut me emër të njëjtë.
Njëra nga këngët është e titulluar “Alfred”, ndërsa Eminem ka shkruar se është frymëzuar pikërisht nga regjisori i famshëm për këtë album.
Në këngët e reja, reperi ka bashkëpunuar me emra, si Ed Sheeran, Skylar Grey, Royce Da 5’9?, Black Thought, Q-Tip, Denaun, White Gold, Young M.A, KXNG Crooked, Joell Ortiz, Don Toliver.