DiCaprio mohon akuzat e Bolsonaro-s për zjarrvënie



Aktori i Hollywoodit, Leonardo DiCaprio ka hedhur poshtë akuzat e presidentit brazilian Jair Bolsonaro, i cili deklaroi se aktori u ka dhënë donacione disa organizatave jofitimprurëse që sipas Bolsonaro qëndrojnë prapa zjarreve në pyjet e Amazonës.

“DiCaprio është djalë i lezetshëm, apo jo? Jep para për zjarrvënien në Amazona ”, u tha Bolsonaro përkrahësve të tij kohët e fundit.

Organizata mjedisore e DiCaprio-s ka premtuar 5 milionë dollarë ndihmë për të mbrojtur Amazonën, pasi zjarret e egra shkatërruan pjesë të mëdha të pyjeve në korrik dhe gusht.

Aktori amerikan dhe aktivisti mjedisor ka mohuar pretendimet e Bolsonaro, se ai ka financuar organizatat, megjithëse beson se ata ia vlen të mbështeten, raporton BBC.

“E ardhmja e këtyre ekosistemeve të pazëvendësueshëm është e kërcënuar dhe unë jam krenar që jam pjesë e grupeve që i mbrojnë ata,” tha DiCaprio.

Ai falënderoi qytetarët e Brazilit që punojnë për të ruajtur trashëgiminë e tyre natyrore dhe kulturore.

Beat FM Albania

Beat FM Albania. Created in 2017, Beat FM is the newest radio in Albania, which broadcasts online at www.beatfm.al.


Share

Facebook Twitter Google



Search


Tune In


Shows

TouchCarousel Warning: No posts found with selected settings.