Ronela Hajati ka treguar për të gjithë ndjekësit e saj se shumë shpejt do të sjellë dy projekte të reja muzikor, të cilat mezi po pret t’i publikojë. Në postimin e fundit në ‘Instagram’ ajo ka treguar se një prej këngëve do të quhet ‘Gënjeshtar je’ dhe tjetra ‘Pare’.
“Mezi po pres të dëgjoni 2 këngët e mia të reja. ‘Gënjeshtar je’, ‘Pare’. Totalisht të kundërta, por shumë të bukura. Mezi po pres 14 shkurtin”, ka shkruar Hajati krah fotos ku duket se është në një prej skenave të xhirimit me flokë bionde.
Fansat po i presin me padurim dy projektet e reja të Ronelës, të cilat do të kthehen me siguri në hite, njëjtë si çdo këngë tjetër e saj.