Tristian Thompson është i vendosur që të fitojë sërish yllin e familjes Kardashian. 28-vjeçari ndihet gati për t’u kthyer sërish me Khloe Kardashian, dhe nuk i intereson se sa shumë duhet të lodhet për ta arritur këtë gjë. “Në këtë moment, Tristian nuk ka asgjë për të humbur përsa i përket marrëdhënies së tij me Khloe-n. Ai nuk ka në plan të tërhiqet nga flirti me të për sa kohë që modelja nuk e bllokon nga rrjetet sociale të saj. Tristian mendon se ajo ja vlen çdo përpjekje që po bën për ta fituar përsëri”, tregon një burim ekskluzivisht për revistën “HollywoodLife”. Khloe dhe Tristian u ndanë në shkurt, por që prej asaj kohe modelja ka pranuar se e ka falur dhe është e përqëndruar vetëm te rritja e vajzës së saj 1-vjeçare.